25. 05 2023 - 11:00-12:00

Deiglufund­ur – Sjálf­bærni upp­lýs­inga­gjöf

@Rafrænn viðburður

Á síðasta Deiglufundi fyrir sumarfrí munum við rýna í stöðuna hjá íslenskum fyrirtækjum þegar kemur að sjálfbærni upplýsingagjöf.

Hvernig eru íslensk fyrirtæki að standa sig, hvað er til fyrirmyndar og hvar eigum við eftir að stíga stóru skrefin?

Nú eru að taka gildi Evrópusambands lög sem bæði munu gera ítarlegri kröfur þegar kemur að upplýsingagjöf sem snýr að sjálfbærni og á sama tíma stækkar sá hópur fyrirtækja sem þurfa að huga að stöðluðum og vottuðum sjálfbærni upplýsingum í ársskýrslum. Við munum á deiglufundinum fræðast um þessi lög og aðrar breytingar sem eru í vændum í þessum málaflokki.

Reynir Smári Atlason forstöðumaður sjálfbærnimála hjá Creditinfo mun halda fræðandi erindi, en Reynir hefur verið einn af okkar fremstu sérfræðingum hér á landi um þessi málefni síðustu ár.

Við bjóðum þá til panel umræðna þar sem þau Jóhanna Hlín Auðunsdóttir forstöðumaður loftslags og grænna lausna hjá Landsvirkjun og Stefán Kári Sveinbjörnsson verkefnastjóri í stefnumótun og sjálfbærni hjá Isavia mun taka þátt ásamt Reyni – og taka þá við spurningum og eiga samtal við fundargesti.

• En þau þrjú skipa nú annað árið í röð dómnefnd í hvatningarverðlauninum Sjálfbærniskýrsla ársins sem veitt verða þann 8. júní í samstarfi við Viðskiptaráð Íslands og Stjórnvísi – sjá nánar hér: Sjálfbærniskýrsla ársins 2023 – tilnefningar óskast (12/4-17/5) – Festa (samfelagsabyrgd.is)

Stefán, Jóhanna Hlín og Reynir við afhendingu hvatningarverðlauna fyrir Sjálfbærniskýrlslu ársins í júní 2022

• athugið að Deiglfundir eru eingöngu opnir fyrir aðildarfélög Festu
• enginn takmörk eru fyrir fjölda fulltrúa frá hverju aðildarfélagi