❗️Heimurinn er ekki svarthvítur og við þurfum ekki að velja á milli markaðsforskots og samkeppnishæfni eða loftslagsmála og sjálfbærni. Það að setja mannréttindi, umhverfismál og líffræðilegan fjölbreytileika í forgang er góður business og aragrúi flottra fyrirtækja sem hafa sem betur fer fattað það 💚

🔎 Hvað er þetta ETS-kerfi eiginlega og hvernig virkar það? Hver eru áhrif og ávinningar þess fyrir íslenskt atvinnulíf og samfélagið í heild? Í nýrri fræðslufundaröð Festu, DÝPKUN, kafar Hrafnhildur Bragadóttir ofan í mál málanna í dag: ETS - kerfið og skuldbindingar Íslands í loftslagsmálum. 👉 Frekari upplýsingar á sjalfbaer.is/vidburdir

Þróunarfélag Keflavíkurflugvallar, Kadeco, gekk til liðs við Festu í janúar þar sem markmið þeirra er að halda áfram að þróa félagið sem fyrirmynd í sjálfbærri uppbyggingu. “Hjá okkur birtist sjálfbærni í daglegum ákvörðunum, hvernig við stöndum að okkar þróunarverkefnum, eigum í samskiptum við hagaðila, skipuleggjum svæðið, veljum lausnir og hugsum til framtíðar. Þar hefur starfsfólk Kadeco verið drifkrafturinn. Frumkvæði, fagmennska og metnaður teymisins hefur sett tóninn og lagt grunn að þeim árangri sem við höfum náð. Við vinnum mjög náið með sveitarfélögunum á svæðinu, flugvellinum og fyrirtækjum og það samstarf einkennist af trausti og heiðarleika,” segir Pálmi Freyr Randversson, framkvæmdastjóri. Við hjá Festu hlökkum til samstarfsins við Kadeco og okkar öfluga tengslanet aðildarfélaga á árinu! 🙌

“Umbreytingin kom í boði Röggu Nagla sem sagði að þó að maður klikki kannski einu sinni þegar maður ætlar að breyta siðum, þá á maður ekki að klikka tvisvar, heldur að viðhalda og þannig breytast í alvörunni.” Raunveruleg umbreyting hefst hjá okkur sjálfum og ef við öll tökum þátt skapast ótal tækifæri til að byggja sjálfbærara samfélag 💚 #janfest2026

Þessi einstaka JANFEST orka og umbreytingarkraftur situr enn í okkur og við erum strax farin að hlakka til næstu hátíðar! Við hjá Festu erum uppfull af hugmyndum eftir frábær erindi og samtöl sem við erum spennt að vinna með áfram. Í umbreytingu felst sannarlega ákvörðun um að trúa á framtíðina og umbreytingin hefst hjá okkur sjálfum. JANFEST var eingöngu byrjunin á því ferðalagi, svo fylgist með! 💥 🎥 Steinar Júlíusson @sjulli

🙌 Þvílíkur dagur 🙌 Fullt hús í Hörpu á 14. Janúarráðstefnu Festu 💥 Endalaust þakklæti til ykkar allra sem mættuð í dag, takk okkar frábæru fyrirlesarar og trúnó-pör og snilldar tæknifólkið í Hörpu og þúsund þakkir til styrktaraðilanna okkar, Blue Lagoon Iceland, Húsasmiðjan og Íslandshótel sem gerðu þetta mögulegt 💚 Elva Rakel, framkvæmdastýra Festu og fundarstjóri, kjarnaði daginn svo fallega þegar hún sagði að við þyrftum að þora að horfa á stóru myndina og að inni í Silfurbergi væri akkúrat sá kraftur og orka sem þyrfti til að fara í þá umbreytingu sem færir okkur nær því samfélagi sem við viljum sjá: “Umbreytingin er þegar hafin og undir okkur komið hvernig framtíðin verður, ætlum við að sitja við borðið eða vera á matseðlinum?” Takk fyrir daginn og þar til næst! 🙏

Þau sem voru á Janúarráðstefnu Festu í fyrra muna eflaust eftir Sumitru Bashnet, sem deildi reynslu sinni af barnaþrælkun í Nepal. Á sviðinu bar hún fallega Heimsmarkmiðanælu, handgerða úr nepalskri ull. Á Janúarráðstefnunni í Hörpu á föstudaginn verða þessar nælur til sölu! Allur ágóði sölunnar rennur til Hosta Heinse sem framleiða nælurnar í samvinnu við ungar konur í Nepal og styðja þannig við sjálfbær lífsviðurværi og valdeflingu. Lítil næla með stór skilaboð 💚

1️⃣ vika í stærsta sjálfbærniviðburð ársins! Hefur þú áhuga á: 🔸 Loftslagsvendipunktum ? 🔸 Alþjóðlegri samvinnu ? 🔸 Nýsköpun í orku- og sjávarútvegi ? 🔸 Stafrænni byltingu? 🔸 Persónulegri umbreytingu ? 🔸 Að fræðast, fá innblástur og eiga skemmtilegan föstudagseftirmiðdag ? Ef já, þá viltu ekki missa af Janúarráðstefna Festu 2026 í Silfurbergi Hörpu næsta föstudag! ❗️Dagskrá á sjalfbaer.is

🤩 Þessi stórglæsilegi hópur mun stíga á svið í Hörpu föstudaginn í næstu viku á stærsta sjálfbærniviðburði ársins - Janúarráðstefnu Festu 2026! Við erum orðin ansi spennt fyrir virkilega öflugri dagskrá í ár þar sem við leiðum saman innlenda og erlenda fræðimenn, skapandi hugsuði, þjóðþekkta einstaklinga og frumkvöðla sem deila umbreytingarsögum frá ólíkum sjónarhornum. 👉 Þú getur lesið allt sem þú þarft að vita um ráðstefnuna á sjalfbaer.is Hlökkum til að fræðast, fá innblástur og hafa gaman saman! 🙌

Erla Ósk Ásgeirsdóttir, stjórnarformaður Festu, mun opna Janúarráðstefnuna og setja þema ráðstefnunnar, Umbreytingu, í stærra samhengi. 🌟Festa fagnar 15 ára afmæli á þessu ári, Parísarsamkomulagið er 10 ára og við erum stödd á tímamótum aðgerða og alþjóðlegs samstarfs sem kalla á að við skoðum hvernig við mælum árangur, rýnum í hvað hefur breyst til hins betra og hvaða skref þarf að taka til að knýja fram raunverulega umbreytingu á næstu árum. Erla er einnig stjórnarkona hjá Bláa lóninu og hefur áratuga reynslu úr atvinnulífinu þar sem hún hefur helgað störf sín sjálfbærnimálum. ❗️Ekki missa af fjölbreyttri og öflugri dagskrá Janúarráðstefnunnar og tryggðu þér miða strax í dag! #janfest2026

🐟 Hvernig verður 100% nýting að raunverulegum verðmætum? Benedek Regoczi er nýsköpunarstjóri @sjavarklasinn þar sem hann leiðir margvísleg alþjóðleg verkefni sem byggja á 100% Fiskur, flaggskipi klasans. Benedek brennur fyrir sjálfbærri nýtingu auðlinda hafsins og vinnur að því að brúa bilið milli rannsókna og atvinnulífs í bláa hagkerfinu. Á Janúarráðstefnu Festu mun hann deila því hvernig hugmyndafræði 100% nýtingar auðlinda getur orðið að raunhæfri umbreytingu, skapað nýjar atvinnugreinar, dregið úr sóun og haft áþreifanleg áhrif fyrir fyrirtæki, samfélög og framtíð hafsins 🙏 Tryggðu þér miða í dag á sjalfbaer.is 📍 Harpa | 30. janúar

✨ Við erum gríðarlega spennt fyrir erindi Deniz Koca á Janúarráðstefnu Festu! Þar mun hann kynna nýjar aðferðir til að tryggja matvælaöryggi í heiminum þar sem réttar ákvarðanir á réttum stað geta knúið fram kerfisumbreytingar. Deniz Koca sinnir rannsóknum og verkefnastjórn við Centre for Environmental and Climate Science í Háskólanum í Lundi og sérhæfir sig í kerfisgreiningu og kerfislíkangerð (e. system dynamics). Hann hefur þróað og tekið þátt í fjölmörgum þverfaglegum rannsóknarverkefnum og í dag fæst hann við rannsóknir á því hvernig hægt sé að auka fjölbreytni fæðu fyrir fólk og búfénað með uppsprettu próteina og gera þannig matvælaframleiðslu heimsins sjálfbærari 🙌 👉 Ekki missa af þessu mikilvæga erindi! Þú getur keypt miða á ráðstefnuna hér: https://www.harpa.is/vidburdir/20778 #janfest2026

Við höldum áfram að kynna okkar frábæru fyrirlesara! 🙌 Arnhildur Pálmadóttir er arkitekt og frumkvöðull sem hefur vakið athygli hér heima og alþjóðlega fyrir þverfaglega og nýstárlega nálgun á sjálfbæran arkitektúr. Hún stofnaði og rekur hönnunarstofuna @sap_arkitektar sem sérhæfir sig í sjálfbærni og nýrri nálgun við mannvirkjagerð. ✨ Umbreyting gerist ekki af sjálfu sér, hún felur í sér ákvörðun um að trúa á framtíðina og á Janúarráðstefnu Festu mun Arnhildur meðal annars ræða hvernig nýsköpun í arkítektur getur orðið hluti af lausninni og knúið fram raunverulega umbreytingu. 👉 Hægt er kynna sér dagskrána að tryggja sér miða á sjalfbaer.is #janfest2026

🌍 Geta jákvæðir vendipunktar dregið úr áhættu loftslagsbreytinga? Prófessor Tim Lenton er einn fremsti loftslagssérfræðingur heims og því mikill heiður að fá hann í hóp öflugra fyrirlesara á Janúarráðstefnu Festu 2026 🙏 Á ráðstefnunni mun hann meðal annars kynna brautryðjendarannsóknir sínar á jákvæðum vendipunktum sem geta hraðað umbreytingu í átt að markmiðum Parísarsáttmálans. Janúarráðstefna Festu, fer fram í Silfurbergi Hörpu föstudaginn 30. janúar 2026, undir yfirskriftinni Umbreyting er ákvörðun. Um er að ræða stærsta árlega sjálfbærniviðburð á Íslandi þar sem innlendir og erlendir sérfræðingar, fræðimenn, brautryðjendur og skapandi hugsuðir munu deila raunverulegum umbreytingarsögum úr ólíkum geirum. 🌟Kynntu þér dagskrána á sjalfbaer.is #janfest2026

Eitt af því skemmtilegasta við hóp aðildarfélaga Festu er fjölbreytnin þar sem fyrirtæki mætast úr ólíkum geirum með sameiginlega áherslu á sjálfbærni í sínu starfi. Þar eru gæludýr sannarlega ekki undanskilin 🐾 Gæludýr.is gekk til liðs við Festu í nóvember og segir Inga Salóme Sigurðardóttir, framkvæmdastjóri, að fyrirtækið hafi lengi haft sjálfbærni að leiðarljósi og vilji með aðild að Festu efla þekkingu sína á sjálfbærni, fá betri yfirsýn yfir hvað þau geti gert betur í sínum rekstri og styrkja tengslanetið við fyrirtæki sem eru komin lengra á veg og þau geti lært af👏 Aðildarfélög Festu eru nú tæplega 200 talsins, stór sem smá fyrirtæki og stofnanir og úr fjölbreyttum geirum atvinnulífsins. Við hlökkum til samstarfsins við þau öll á nýju ári og til að halda áfram að taka á móti nýjum aðilum í hópinn 💚

Á alþjóðlegum degi mannréttinda rifjum við upp áhrifamikla sögu Sumitra, sem deildi reynslu sinni af barnaþrælkun í Nepal á Janúarráðstefnu Festu í fyrra 💚 Þegar fjölskylda Sumitra flutti frá þorpinu sínu í Suður-Nepal til höfuðborgarinnar Katmandú fór hún að vinna í teppaverksmiðju, aðeins níu ára gömul. Á leiðinni í vinnuna horfði hún á jafnaldra sína á leið í skólann með skólatöskurnar sínar, og draumur hennar um að fá að læra varð sífellt sterkari. Með aðstoð GoodWeave Foundation tókst henni að losna úr verksmiðjunni og fara í skóla og í dag vinnur hún að því að uppræta barnaþrælkun þar sem hún notar krafta sína og reynslu til að breyta kerfinu innan frá 👊 Þrátt fyrir árangur á heimsvísu síðustu árin eru samkvæmt ILO og UNICEF enn um 138 milljónir barna föst í barnaþrælkun, þar af um 54 milljónir í mjög hættulegri vinnu sem ógnar heilsu þeirra, öryggi og þroska. Milljónir barna eru svipt réttindum sínum til menntunar, leiks og þess að fá einfaldlega að vera börn. Svona þarf heimurinn ekki að vera! Fyrirtæki, og neytendur, hafa bæði vald og ábyrgð til að knýja fram umbreytingu sem tryggir að mannréttindi séu ekki valkvæð, heldur sjálfsögð í allri virðiskeðjunni og þar sem börn geta farið í skóla í stað þess að vinna 🙏

⚓️ Við erum stolt af því að fá @faxafloahafnir í samfélag Festu og hlökkum til að læra af þeirra reynslu og vinna saman með þeim og öðrum aðildarfélögum að jákvæðum breytingum 🙏 Gyða Mjöll Ingólfsdóttir, Gæða- og umhverfisstjóri Faxaflóahafna, segir að sem fyrirtæki sem rekur einn af lykilinnviðum samfélagsins, sem tengir stærsta markaðs- og atvinnusvæði Íslands við umheiminn og miðin, sé mikilvægt fyrir Faxaflóahafnir að taka virkan þátt í umræðu og aðgerðum sem snúa að sjálfbærni. Á þessu ári hafa 11 félög gengið til liðs við Festu. Aðildarfélögin eru nú tæplega 200 talsins og eiga það sameiginlegt að leggja áherslu á sjálfbærni í sínu starfi. Fram að jólum munum við kynna þau nýju aðildarfélög sem bættust í hópinn á árinu og höldum áfram að taka á móti nýjum! 🫶

Það var einstaklega ánægjulegt að fá @throskahjalp í hóp aðildarfélaga Festu í júlí. Við fögnum með þeim þeim mikilvæga sigri að Alþingi lögfesti samning Sameinuðu þjóðanna um réttindi fatlaðs fólks fyrr í mánuðinum 👏 Anna Lára Steindal, framkvæmdastjóri Þroskahjálpar, segir að samtökin hafi gengið til liðs við Festu til að leggja þyngri lóð á vogarskálar sjálfbærni og vinna að Heimsmarkmiðum Sameinuðu þjóðanna og loforðinu um að skilja engan eftir brautargengi 💚 Landssamtökin Þroskahjálp voru stofnuð haustið árið 1976 í því skyni að sameina þau félög, sem vinna að réttinda- og hagsmunamálum fatlaðs fólks, með það að markmiði að tryggja því fullt jafnrétti á við aðra. Félögin eru starfrækt um allt land og eru félagsmenn þeirra í kringum sex þúsund. Aðildarfélög Festu eru nú tæplega 200 talsins, stór og smá og úr fjölbreyttum geirum, og eiga það sameiginlegt að leggja áherslu á sjálfbærni í sínu starfi. Fram að jólum munum við kynna þau nýju aðildarfélög sem bættust í hópinn á árinu og höldum áfram að taka á móti nýjum! 🫶

Hvernig geta fyrir­tæki orðið sjálf­bær? Elva Rakel Jónsdóttir, framkvæmdastýra Festu, gefur fyrirtækjum góð ráð í viðtali við Vísi þar sem hún segir að fyrstu skrefin séu að þekkja eigin rekstur og skilja hvar áhrifin liggja. Þar bendir hún á að fyrirtæki sem vinni markvisst með alla þrjá þætti sjálfbærni: góða stjórnarhætti, félagslega ábyrgð og umhverfisábyrgð, fái skýrt forskot. 👉 Hlekkur á viðtal í story.

Takk @arionbanki fyrir að taka vel á móti okkur á síðasta Tengslafundi ársins! 👏 Við erum öll fróðari um hvernig sjálfbærni spilar lykilhlutverk í áhættustýringu og hvernig hún fléttast inn í stefnumótun og ákvarðanatöku. Á myndinni eru Erla Rakel, framkvæmdastjóri Festu og Erla Ósk, stjórnarformaður Festu ásamt Snædísi Ögn, Hlédísi og Kristjáni, sérfræðingum hjá Arion banka.

🌎 Festa stendur fyrir þörfu og áhugaverðu málþingi í næstu viku þar sem reynslumikið stjórnarfólk, forstjórar og sérfræðingar úr ólíkum áttum munu ræða helstu áhættur og áskoranir stjórna til skemmri og lengri tíma, hvort sem eru netöryggisógnir, loftslagsbreytingar, samfélagslegur þrýstingur eða óstöðugt efnahagsumhverfi. Málstofan fer fram á Grand Hótel Reykjavík þann 14. nóvember og er opin öllum þeim sem sitja í stjórnum eða framkvæmdastjórnum aðildarfélaga Festu. Mælum með að tryggja sér sæti sem fyrst!💚 👉 Nákvæm dagskrá og skráning á sjalfbaer.is/vidburdir

🎯 Ert þú næsti samskiptaleiðtogi Festu? Við leitum eftir drífandi og hugmyndaríkum einstaklingi sem vill móta og miðla framtíðarsýn sjálfbærs samfélags 🌍 Viðkomandi þarf að hafa reynslu í miðlun, markaðssetningu og upplýsingagjöf og vera með sterka ritfærni og áhuga á sjálfbærni. ▪️ Sveigjanleg vinna í metnaðarfullu og þverfaglegu teymi ▪️ Skrifstofa er í Háskóli Reykjavíkur / fjarvinna eftir samkomulagi ▪️ Umsóknarfrestur er til 17. ágúst 👉 Sótt er um starfið í gegnum Alfreð eða vinnvinn.is

Velsældarþing (The Wellbeing Economy Forum) hefst í þriðja sinn, dagana 8. og 9. maí í Hörpu. ✨❣️ Þingið er mikilvægur vettvangur samræðna og samvinnu meðal stjórnmálamanna, leiðtoga fyrirtækja, fræðimanna og sérfræðinga á heimsvísu þar sem leitast er við að forgangsraða í þágu velsældar og lífsgæða almennings á breiðum grunni. 🪐 Velsældarþing er alþjóðlegur viðburður, en fyrirlesarar og þátttakendur koma víða að og hafa mikla og þverfaglega og reynslu á öllum hliðum velsældarhagskerfisins. Festa skipuleggur, líkt og í fyrra, einn lið á þinginu sem fjallar um hlutskipti atvinnulífsins þegar kemur að velsæld. 💫 Hverjir eru kostir þess að reka fyrirtæki í velsældarsamfélagi og hver eru tækifærin í því að setja velsældaráherslur í kjarna starfsemi? @wellbeingeconforum

„Í svo flókinni virðiskeðju leynast margar hættur þegar kemur að mannréttindum. Og sökum þess hve flókin virðiskeðjan er er mikilvægt að bæði seljendur og neytendur taki sameiginlega ábyrgð á því að virðing fyrir mannréttindum sé tryggð í allri virðiskeðjunni. “ Þorgerður Katrín Gunnarsdóttir, utanríkisráðherra, opnaði viðburðinn Mannréttindi í réttlátri virðiskeðju sem var haldinn í hátíðarsal Arion banka í kjölfar Janúarráðstefnunar. Þema Janúarráðstefnunar var sjálfbærni í virðiskeðjum, en sérstök áhersla var lögð á mannréttindi á þessum viðburði - sem eru lykilatriði í réttlátum virðiskeðjum. ⚖️❤️

"The question isn’t whether risks exist — they do — it’s how you respond when they surface.   This is why true leadership means going beyond compliance. Sustainability is not a box-checking exercise." 🎯 - Adam Roy Gordon Öll erindi Janúarráðstefnunnar eru aðgengileg á YouTube rás Festu 🎥

📸 Nálgast má allar myndir frá Janúarráðstefnunni á facebook-síðu Festu ______ Takk, takk, takk! Aldrei hafa eins margir mætt á Janúarráðstefnuna eins og í ár. Auk aðildarfélaganna okkar, sem eru miðjan í okkar starfi, var mættur einstaklega fjölbreyttur hópur; forstjórar, sjálfbærnisérfræðingar, nemar, fræðafólk og fólk frá ýmsum hagsmuna- og félagasamtökum. Eftir hverja Janúarráðstefnu sjáum við að sjálfbærni er að dreifa sér sífellt víðar um íslenskt samfélag, til breiðari hóps, sem bæði sér haginn og ábyrgðina sem felst í því að flétta sjálfbærni við alla starfsemi og rekstur. ⚖️ Virðiskeðjan var í brennidepli í ár. Nokkrir punktar: 🔹 Pólitísk skautun hefur áhrif á sjálfbærniumræðuna, en áskoranirnar hverfa ekki þótt pólitíkin breytist. Viðbrögð við loftslagsbreytingum, sjálfbær auðlindanýting og mannréttindamál, eru enn jafn mikilvæg fyrir seiglu fyrirtækja. Adam Roy Gordon 🔹 Áhætta í virðiskeðjum er t.a.m. vegna skorts á mikilvægum hráefnum og orkuauðlindum og þá hafa loftslagsbreytingar og hnattræn átök bein áhrif á virðiskeðjur og starfsemi fyrirtækja. Fyrirtæki sem ekki taka þetta með í reikninginn eru berskjölduð fyrir áföllum og geta orðið fórnarlömb efnahagslegra og geópólitískra sveiflna. Mikael Allan Mikaelsson MBE 🔹 Þekkingarleysi er engin afsökun. Sumitra Basnet, sem var send í vinnu sem barn, kom alla leið frá Nepal til að segja sína sögu. Þessi áhrifaríka frásögn hvetur vonandi öll til að skilja að við getum haft áhrif, sem neytendur og rekstraraðilar, og að mannréttindi í virðiskeðjunni eru lykilatriði fyrir réttláta og sjálfbæra virðiskeðju. 🔹 Innleiðing hringrásarferla getur eflt bæði gagnsæi, gæðastjórnun og arðsemi 💰📈 „Fyrsta skrefið er að vera meðvituð um þær áhættur sem fylgja starfseminni, þá fyrst er hægt að vinna í því að draga úr þeim” - Þóra Jónsdóttir 💡 Niðurstöður könnunar á íslenskum háskólanemum: 86% Z-kynslóðarinnar og 93% aldamótakynslóðarinnar vilja að stjórnvöld þrýsti á fyrirtæki um aðgerðir í loftslagsmálum. Ungt fólk er einnig tilbúið að breyta neysluhegðun sinni, en fyrirtæki þurfa að gera valkostina auðveldari 🌱

Þetta eru þau Krishna Shah og Sumitra Basnet, sem eru komin til Íslands eftir tveggja sólahringa ferðalag frá Nepal. Þau ætla að tala um falin vandamál í virðiskeðjunni: barnaþrælkun. Því miður er það raunveruleikinn— að 1 af hverjum 10 börnum er hnepptt í barnaþrælkun. Enn alvarlegra er að um helmingur þeirra starfar við hættulegar aðstæður sem ógnar bæði líkamlegri og andlegri heilsu þeirra. Til að setja þessar tölur í samhengi: Meðalfjöldi barna í íslenskum grunnskólabekk er um 20. Ef við yfirfærum þessa tölfræði jafnt á allan heiminn myndi það þýða að í hverjum bekk væri að minnsta kosti eitt barn sem væri fast í barnaþrælkun við hættuleg skilyrði. Á morgun, á Januárráðstefnunni, fáum við að heyra áhrifaríkt erindi frá þeim tvem, sem þekkja þetta viðfangsefni betur en flestir: 🔹 Sumitra Basnet er ung kona sem var bjargað úr barnaþrælkun og vinnur nú sjálf að því að skapa betri framtíð fyrir börn í Nepal. 🔹 Krishna Shah er framkvæmdastjóri UN Global Compact Nepal, sem hefur unnið að því að tryggja að vörur, eins og teppi, séu framleiddar án barnaþrælkunar. Móðir hans var brautryðjandi í Nepal og stofnaði bæði fyrirtæki sem réð aðeins konur og félagasamtök sem byggðu skóla fyrir fátæk börn. Þessu ætti enginn að missa af 💙

Trúnó-pörin á Janúarráðstefnunni koma úr ýmsum kimum samfélagsins. Þau stíga á svið eftir hvert undirþema og eiga stutt og einlægt spjall. Þú vilt ekki missa af þessu! Sjáumst 31. janúar kl. 12:30, í Hörpu. ⚡

Hvað er virðiskeðjan? Hvað er upstream og downstream? Tengist það golfstream? Hefur Icelandair hugleitt að nota eldgos sem náttúrulegan orkugjafa fyrir flugvélar? ✈️ Í samstarfi við PoppUp framleiðum við myndbönd þar sem við spurjum leiðtoga innan aðildarfélaga Festu og allt mikilvæga fólkið í sjálfbærniheiminum hvað er í gangi með allar þessar skammstafanir? Engar áhyggjur - við spyrjum líka um blýhúðun. 😉 Sem betur fer verður öllum þessum spruningum svarað á Janúarráðstefnu Festu, 31. janúar í Hörpu. Við framkvæmdum tvöfalda mikilvægisgreiningu til að sjá hverjir væru mikilvægastir í sjálfbærniheiminum þannig ef þú varst ekki spurður þá getur þú bara kennt Brussel um það. Í þessum myndböndum verður slegið á létta strengi en það var passað vel upp á að ekkert fór út í sprell.

Fleiri fyrirlesarar Janúarráðstefnu Festu! Við erum stolt af því að hafa mótað dagskrá með þessum fjölbreytta hóp sem kemur víða að til að ræða ýmsar hliðar virðiseðjunnar. Nánari dagskrá er að finna á sjalfbaer.is. 💰 Kamil Zabielski, forstöðumaður sjálfbærra fjárfestinga hjá Storebrand, mun fjalla um áhrif sjálfbærs fjármagns og hvernig fjárfestingar geta ýtt undir sjálfbæra þróun. Storebrand er leiðandi eignastýringafyrirtæki á Norðurlöndunum. 🖥️ Þóra Jónsdóttir, forstöðumaður sjálfbærni og umbóta hjá Advania, leiðir okkur í gegnum áskoranir og tækifæri í virðiskeðju tæknigeirans. 🌍 Sævar Helgi Bragason, vísindamiðlari, fær Krakkafréttir á RÚV með sér í lið til að útskýra virðiskeðjuna á skemmtilegan og aðgengilegan hátt. Ekki veitir af... 📖 Sara Dögg Svanhildardóttir, sérfræðingur hjá Vinnumálastofnun, og Arnar Sveinn Harðarson, lögfræðingur og verkefnastjóri hjá Arion banka, kynna nýjasta vegvísi Festu um félagslega sjálfbærni. 🔗 Mikael Allan Mikaelsson MBE, sérfræðingur á sviði loftslagsstefnumótunar hjá Stockholm Environment Institute (SEI), ræðir um hvernig sjálfbærni og seigla spila saman í aðfangakeðjum. 📊 Arent Orri Jonsson, forseti Stúdentaráðs Háskóla Íslands, Ísabella Ósk Másdóttir, samskiptastjóri Festu, og Guðni Þórsson, sérfræðingur á sjálfbærnisviði hjá Deloitte, kynna niðurstöður nýrrar könnunar Festu um viðhorf ungs fólks til sjálfbærni. Við minnum á að uppselt hefur verið á ráðstefnuna sl. ár. en það stefnir í fjölmennustu ráðstefnuna hingað til 😍

Það styttist! Verið öll hjartanlega velkomin að vera með okkur á stærsta árlega sjálfbærniviðburði á Íslandi - Janúarráðstefnunnni. Dagskráin hefur aldrei verið glæsilegri 🥹✨ Tryggðu þér miða sem fyrst - sjalfbaer.is

27 félög bættust í hóp aðildarfélaga Festu árið 2024. 🎉 Við erum gríðarlega þakklát samstarfinu og öllum þeim sem lögðu okkur lið, mættu á viðburði eða tóku á annan hátt þátt í starfinu. Sumir finna fyrir bakslagi en við erum óhrædd við að segja að stóra myndin sé í rétta átt. Það er mikil kraftur í samfélagi Festu. Áfram gakk og takk!

📢 Þema Janúarráðstefnu Festu 2025 er virðiskeðjan! Að þessu sinni verða með okkur innlent og erlent áhrifafólk sem mun segja frá hinum ýmsu hliðum sjálfbærni í virðiskeðjunni; reglugerðum, mannréttindum, ungu fólki, gervigreind, losun, hringrás, fjármögnun og stöðugleika á alþjóðavettvangi. Verið öll hjartanlega velkomin að vera með okkur í Hörpu 31. janúar kl. 13:00 á árshátíð sjálfbærnisamfélagsins á Íslandi. 💡🌳⚙️📦🚛🔗🌱🤝🌟🌍 Taktu daginn frá! Miðasala er hafin.

Í tilefni Janúarráðstefnunnar fór Halla Tómasdóttir, forstjóri The B Team, í einstakt og einlægt viðtal við Unnstein Manuel Stefánsson sem við munum sýna á ráðstefnunni. Hvaða eiginleika þurfa leiðtogar í dag að hafa? Hvernig förum við saman í gegnum stórar breytingar framundan? Hér fáum við svör við stórum spurningum sem þú vilt ekki missa af 🌍💙 🎟 Dagskrá og miðasala 👉 sjalfbaer.is 📍 Harpa, Silfurberg 🗓️ Fimmtudaginn 25. janúar kl. 13-16:30

Við erum á bleiku skýi eftir gærdaginn. ☁️✨ Þetta var lang fjölmennasta Janúarráðstefnan frá upphafi. Uppselt var og meira en það - salurinn stútfullur! Kæru gestir! Takk fyrir gleðina, spurningarnar, umræðurnar, tögg á samfélagsmiðlum, drifkraftinn og trúna á að við getum komið saman til þess að vinna að sjálfbærari heimi. Þið gerðuð þennan dag ógleymanlegan. Takk fyrirlesarar og aðrir í dagskrá, Lóa Hlín listakona, tæknifólk, Hilton, þið sem hafið setið á hux fundum og hafið tekið þátt í skipulagi á einn eða annan hátt. Þetta hefði ekki getað heppnast betur.  Takk Reginn, N1, Marel og Vörður. Þið gerðuð okkur kleift að bjóða upp á einstaklega glæsilegan viðburð.  Að sjá aðildarfélög Festu fjölmenna loksins eftir tvö rafræn ár og finna fyrir gróskunni í ört stækkandi samfélagi Festu er sannarlega góðs viti. Þvílík stemning í salnum! Það var ekki síður ánægjulegt að eyða deginum með stórum hópi ráðstefnugesta sem eru ekki í Festu en eruð mikilvægur samstarfsahópur á vettvangi sjálfbærni. Þetta sýnir hversu útbreidd sjálfbærnihugsunin er að verða í íslensku samfélagi.  Sjáumst aftur sem fyrst! #FestaJan2023