Frábær þátttaka var í viðburðum hjá Festu í september.
Tengslafundur hjá ÖBÍ og VMST
ÖBÍ réttindasamtök og Vinnumálastofnun buðu aðildarfélögum Festu á Tengslafund 11. september.
Á þessum mánaðarlegu hittingum býður vanalega eitt aðildarfélag hinum heim og deilir sinni þekkingu, reynslu og áskorunum í sjálfbærnimálum. Í þetta sinn slógu þessi tvö aðildarfélög til og héldu sérstaka kynningu á breytingum á sem eru að eiga sér stað varðandi lög um almannatryggingar sem munu kalla á aukna atvinnuþátttöku fólks með skerta starfsgetu.
Málaflokkurinn er stór og mikilvægur en markmið fundarins var að tengja saman og auka skilning á aðgerðum stjórnvalda, markmiðum hagsmunasamtaka og hlutverki atvinnulífsins. Á fundinum fengum við innsýn inn í það hvernig fólk með skerta starfsgetu er stundum kallaður falinn fjársjóður. Ljóst er að vitundarvakningu þarf um málefnið.
Þetta allt snertir að sjálfsögðu félagslega hluta sjálfbærninnar sem við höfum verið að leggja áherslu á síðustu mánuði, en Festa undirbýr nú vegvísir um félgaslega sjálfbærni fyrir fyrirtæki og stofnanir með hjálp ýmissa sérfræðinga.
