Creditinfo býður aðildarfélögum Festu á tengslafund á starfsstöð félagsins að Borgartúni 25, 105 Reykjavík á 3. hæð 20. febrúar kl. 8.30-10.00.
Á fundinum verður farið yfir vegferð fyrirtækisins í sjálfbærni með áherslu á söfnun og miðlun sjálfbærniupplýsinga í gegnum Veru, sjálfbærniviðmót Creditinfo. Einnig verður rætt um stöðu Creditinfo sem alþjóðlegs fyrirtækis og tækifæri og áskoranir í sjálfbærni í þróunarlöndunum.
Hrefna Sigfinnsdóttir, framkvæmdastjóri Creditinfo á Íslandi og Reynir Smári Atlason, forstöðumaður sjálfbærni hjá Creditinfo taka á móti gestum og flytja erindi.
- Hrefna Sigfinnsdóttir mun opna fundinn kynna starfsemi Creditinfo bæði á Íslandi og erlendis.
- Reynir Smári Atlason mun kynna áherslur Creditinfo í sjálfbærni og áskoranir og tækifæri í öflun og miðlun sjálfbærniupplýsinga
Að erindum loknum verður boðið upp á spurningar úr sal og umræður. Gestum gefst tækifæri að spjalla og njóta léttra veitinga.
